عصر الهبل اللي عايشينه

ده إيميل ملخص لكل الإيميلات


إللى ممكن تجيلك اليومين دول


ويدل على عصر الهبل إللى عايشينه ...


أولا: المقاطعة:


قاطع المنتجات الأمريكية لأنها تدعم إسرائيل.


قاطع المنتجات البريطانية لأنها تدعم أمريكا.


قاطع المنتجات الدينامركية عشان الكاريكاتير.


قاطع المنتجات الهولندية عشان الفلم.


قاطع المنتجات الألمانية لأنها جنب الدول السابق ذكرها.


و النهاية كل الناس بيبعتوا الايميلات دي لبعض من لاب توب كل البرامج اللى فيه أمريكية،


و هم قاعدين في ستاربكس


بعد ما أتعشوا في كنتاكي


و معاهم "تيك أوي" من ماكدونلدز.


ثانيا: الصحة:


لا تشرب بيبسي لأنه


يحتوي على مواد تنظيف و عصارة خنزير.


لا تشرب ريد بول لأنه يسبب عقم..


لا تستعمل مزيل العرق و لاالشامبو و لا الصابون


لأنه يسبب سرطان.(استحما بقنديل أم هاشم)


لا تأكل لحم البقر لأنه يسبب جنون البقر.


لا تأكل دجاج بسبب أنفلونزا الطيور


لا تأكل سمك بسبب المد الأحمر


لا تأكل خضار و لا فواكه


لأنها كلها هرمونات وبتتحقن عشان تكبر بسرعة


لا تشرب ماء معدنية


لأنه معالج بالكلور


ولو شربت


ماتملاش الازازة تانى مية عشان فيها فيرس


لا تأكل معلبات


لأنها تحتوي على مواد حافظة


لا تشرب عصير طبيعي


لأنه يأتي على شكل عصارة مركزة


لا تشرب عصير غير طبيعي لأنه كله ألوان


طيب يعني آكل هوا؟!!! .....


لأ طبعا


لأنه الهوا ملوث


بعوادم السيارات و المصانع هتموت


ندخل على العادات:


لا تشرب ماء بعد الأكل عشان بتعمل كرش


لا تنام و لا تمشي و لا تقعد بعد الأكل.


(طب اعمل إيه أتشقلب مثلا)


لا تدخن و لا تشرب شاي و لا قهوة بعد الأكل


(كل واسكت خالص اسمع مراتك بتقول إيه)


أحسن حاجة .... انك تأكل و ترمى نفسك من أعلى سطح!!!!!!


ماتخليش الماء في الثلاجة داخل علب بلاستك


لأنها مسرطنة


وبرده ماتخليهاش في زجاج


لأنها ممكن ينكسر بدون ما تعرف و تشربه و تموت


و لا تخليه بره الثلاجة لأنه ممكن يتلوث.


و لا تشرب من الحنفية لأنها مش نظيفة


لا تتكلم في الموبايل بدون سماعة


عشان الموجات بتقتل خلايا المخ


و لا تتكلم عن طريق السماعة


عشان الكهربا الساكنة


و لا تتكلم عن طريق البلوتوث


عشان الموجات برضو تقتل خلايا المخ


.(يالهوى كسر تليفونك ولو حد عازك يناديك)


(يعني كل العالم إللى عايشين دلوقتي


عايشين من غير مخ)


ماتخليش الهوا يدور في السيارة لما تشغل التكييف


لأنه يتلوث من التنفس.


و لا تخلي الهوا ييجي من بره لأنه ملوث.


لا تعبي بنزين الصبح


عشان الكثافة عالية


و لا تعبي في الليل


عشان الكثافة واطية


و اشرب خل عشان يحرق الدهون


.... ماتشربش خل عشان بيسبب قرحة في المعدة


و اطلع في الشمس عشان فيتامين "د"


.... ماتطلعش في الشمس عشان الأوزون.


ثالثا: الدين:


ابعث هذا الايميل لجميع من عندك


وتكسب 2586445329735 حسنة ....


(الحسبة صح ماتخافش)


(لأنه إللى باعث الإيميل حاسبها بالملي مكشوف عنه الحجاب)


حارس قبر الرسول (صلى الله علية و سلم)


حلم انه الرسول (صلى الله علية و سلم)


قاله إنه لازم تبعت الرسالة.


و يجيلك إيميل مكتوب في أوله


قسم انك تبعث الإيميل لكل إللى تعرفهم


و بعدين يفكرك إنك أقسمت.


(لا اله إلا الله)


و إيميل فيه الجملة الحلوة اللطيفة


(إذا لم تبعث الإيميل فأنت لا تستحق أجره)


كأن هو إللى بيوزع الحسنات


و إيميل يقولك أحاديث كاذبة


و إذا ما بعثتها فأنت مقصر


و إيميل يقولك "دعاء مرة واحدة في العمر"


(يعني أدعية و بعد كده أفجر؟؟؟؟)


و إيميل يقولك "دعاء هز عرش الرحمن"


و إيميل يقولك "دعاء من دعاه حققت له 100 أمنية"


و بعدين فتوى الرضاعة


و فتوى تحريم "البوكيمون"


و فتوى تحريم "البلايستيشن"


بس محددوش 1 ولا 2 ولا 3


و أحلا فتوى فيهم ............ . فتوى قتل "ميكي ماوس"


و الفتوى الجاري طرحها "المفتش كرومبو لازم يتقتل"


الخلاصة بقة عشان ننجز ونجيب من الأخر


أحسن حل ....


انه الواحد لا يأكل


و لا يشرب و لا يتنفس


ولا يتكلم في التلفون


و لا يطلع من البيت


و بس يقعد يبعث ايميلات ....


على فكرة:


إذا بعت الإيميل ده لكل إللى عندك


هاتلاقي وظيفة إذا كنت عاطل وهاتلاقي عروسة إذا كنت عازب وراح وتبقى غني لو أنت فقير


إما إذا مابعتوش بقة للكل


هتترفد من شغلك


وتطلق مراتك


وتفتقر إلي الأبد


يا أمة ضحكت من جهلها الأمم


منقول للأمانة العلمية